之前講過「少帥」張學良晚年獲釋後，諗住從台灣返大陸探訪，並希望得到大陸領導人楊尚昆同鄧小平嘅邀請，點知時任台灣總統李登輝唔放行，所以最後去咗美國。提到鄧小平，佢同張學良睇落好似無乜歷史交集咁，但其實兩人嘅私交唔錯，張學良仲對鄧小平有救命之恩添！

話說有一次鄧小平喺華北工作嗰陣，患上傷寒，身體好虛弱，醫生話要飲牛奶先可以恢復健康。但當時華北嘅工作地點好窮、好落後，當地人連食飯都成問題，更加唔好提會有牛奶呢樣嘢。張學良知道後，專程派人送去一大箱荷蘭奶粉。鄧小平飲咗奶粉之後，身體先慢慢恢復。對於張學良呢個人情，鄧小平一直好感激，仲曾經同女兒提過。

圖為鄧小平同張學良，原圖嚟自網絡。